ຫວຽດນາມ ລົງທຶນຈຳນວນຫຼາຍເຂົ້າເຂດສາມຫຼ່ຽມພັດທະນາທີ່ຂຶ້ນກັບລາວ ແລະ ກຳປູເຈຍ
ອີງຕາມລາຍງານຈາກວິ ທະຍຸກະຈາຍສຽງຫວຽດນາມ ແຈ້ງໃຫ້ຮູ້ໃນວັນທີ 28 ກຸມພາ 2024 ຜ່ານມານີ້ວ່າ: ຕອນເຊົ້າວັນທີ 27
ກຸມພາ 2024, ຢູ່ແຂວງ ອັດຕະປື, ທາງພາກໃຕ້ລາວ, ໄດ້ໄຂກອງປະຊຸມສົ່ງເສີມການຄ້າ, ການລົງທຶນ ແລະ ການທ່ອງທ່ຽວເຂດສາມ
ຫຼ່ຽມພັດທະນາ ກຳປູເຈຍ, ລາວ, ຫວຽດນາມ (CLV) ຄັ້ງທີ 13. ເຂົ້າຮ່ວມໃນກອງປະຊຸມດັ່ງກ່າວມີບັນດາຜູ້ຕາງໜ້າເຊິ່ງເປັນການນຳ
ບັນດາກະຊວງ, ຂະແໜງການທີ່ກ່ຽວຂ້ອງຂອງ 3 ປະເທດ; ຄະນະປົກຄອງ, ບັນດາພະແໜກ, ຂະແໜງການ ແລະ ວິສາຫະກິດຂອງ 13
ແຂວງ ເຂດ 3 ຫຼ່ຽມພັດທະນາ, ລວມມີ: ກອນຕຸມ, ຢາລາຍ, ດັກລັກ, ດັກນົງ, ບິ່ງເຟືອກ (ຫວຽດນາມ); ເຊກອງ, ອັດຕະປື, ສາລາວັນ,
ຈຳປາສັກ (ສປປ ລາວ) ແລະ Stung Treng, Rattanakiri, Mondul Kiri, Kratie (ປະເທດ ກຳປູເຈຍ).
ກອງປະຊຸມໄດ້ຕີລາຄາໝາກ ຜົນແຫ່ງການຊຸກຍູ້ວຽກງານສົ່ງເສີມການລົງທຶນ, ການຄ້າ ແລະ ການທ່ອງທ່ຽວຂອງແຕ່ລະປະເທດ
ແລະ ຂອງທ້ອງຖິ່ນຕ່າງໆ ໃນບັນດາແຂວງໃນເຂດ CLV; ນອກນັ້ນ ຍັງໄດ້ຕີລາຄາສະພາບການ, ກຳນົດສິ່ງຈຳກັດ, ຄວາມຫຍຸ້ງຍາກ, ກາ
ລະໂອກາດ ແລະ ກຳນົດມາດຕະການແກ້ໄຂອັນແທດຈິງ, ມີຄວາມສະໜິດຕິດພັນກວ່າໃນແຕ່ລະຂົງເຂດການລົງທຶນ, ການຄ້າ ແລະ ການ
ທ່ອງທ່ຽວ ເພື່ອມີການຮ່ວມມືຢ່າງແໜ້ນແຟ້ນ, ມີປະສິດທິຜົນໃນການດຶງດູດບັນດາແຫຼ່ງກຳລັງ, ຂຸດຄົ້ນນຳໃຊ້ຄວາມສາມາດບົ່ມຊ້ອນ, ທ່າ
ໄດ້ປຽບ ຂອງແຕ່ລະທ້ອງຖິ່ນ, ແຕ່ລະປະເທດຢູ່ເຂດ CLV, ປະກອບສ່ວນພັດທະນາເສດຖະກິດ-ສັງຄົມ, ລົບລ້າງຄວາມອຶດຫິວທຸກຍາກ
ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ການຮ່ວມມືລະຫວ່າງສາມປະເທດ ຫວຽດ ນາມ-ລາວ-ກຳປູເຈຍ.
ໃນເຂດສາມຫຼ່ຽມພັດທະນາທີ່ຂຶ້ນກັບລາວ ແລະ ກຳປູເຈຍ, ຫວຽດນາມ ມີ 110 ໂຄງການລົງທຶນດ້ວຍທຶນຈົດທະບຽນລົງທຶນກວ່າ 3,7
ຕື້ໂດລາສະຫະລັດ (ກວມກວ່າ 24% ຍອດຈຳ ນວນໂຄງການ ແລະ ກວ່າ 44% ທຶນຈົດທະບຽນລົງທຶນຢູ່ລາວ ແລະ ກຳປູເຈຍ ເວົ້າລວມ).
ແຫຼ່ງທີ່ມາ: ໜັງສືພິມກອງທັບ
ວັນທີ 04/03/2024